السلام عليكــم ورحمـة الله وبركاتــه
.._.._..._..._..._..._...
ازيكوا يا شباب عاملين ايه ؟
يارب تكونوا بخير كده وحلوين
ندخل ف الموضووووع
البلكونة
معتقدش ان فى بيت ف مصر مفهوش بلكونة , يعنى نادراً لو حصلت
انا عن نفسى البلكونة ف حياتي بتمثلى أهمية كبيرة ... ليه بقى ؟!
لا والله مش علشان ابن الجيران ولا حاجة:D
بس لأنى بتقابل فيها مع واحدة من اقرب الناس ليا على وجه الأرض
وصديقتى الوحيدة ف مدينتى واختى وحاجات كتير كده
اسمها اسماء
صحيح انا للأسف مبشوفش اسماء كل يوم لأنى مش على طول ف الشقة اللى فوق
ولأنها كتير بتطنشنى
لكن لازم كل يومين ولا حاجة نطلع نرغى ف البلكونة
وده لان الفرق بينى وبين بلكونة اسماء متر واحد تقريباً
يعنى الحيطه الفاصلة مشتركة بينا
ساعات يكون معاها حاجة حلوة تدينى , عاملين صنف جديد تدوقنى , كتاب حلو ارميهولها
لب , سودانى , وممكن مية لو مكسله تدخل تشرب وهكذا انا برضه
و طبعاً اكاد أجزم ( حلوة اكاد اجزم دى )
اننا بنشكل مصدر ازعاج لا بأس بيه على الجيران
اللى منهم قرايب أسماء اللى قدامنا
على طول يقوم ابن خالتها ومراته طالعين
- ازيكوا يا بنات ؟ ما تتفضلوا تشربوا شاى عندنا
- على فكرة انتوا ممكن بدل الواقفة دى تعملوا بينكوا وبين بعض ترابيزة
وتاكلوا وتشربوا سوا بدل الواقفة دى
طبعاً انا وأسماء منردش ونفضل نضحك
لا وميحلالناش الكلام الا بعد منتصف الليل او متأخر يعنى من 11 وانتوا طالعين
ويا سلام لو موضوع ضحك يا سلااااااام
نفضل كاتمين صوت الضحك بالعافية (عيب الناس نايمين بنات مؤدبين ميضحكوش ف الشارع )
و ساعات نعيط لبعض مفيش مانع من النكد يعنى
حبيبتى اسماء دى والله
برضه لسه مدخلناش اوى ف صلب الموضوع
انا واسماء من زمان عايزين نتكلم عن الموضوع ده وازاى انه مهم جداً ف حياتنا
امبارح بقى بعد ما كلمت البت سومة لحد الساعة يجى 1.30 كده
جتلى كده فوكيرة عن النظرية البلكونية
وتتلخص هذه النظرية فى
ان البلكونة دى ف حد ذاتها ممكن تشكل شخصية البنى ادامين
طبعاً فى ناس عايشة حياتها ف البلكونة وخاصة لو واسعة و شرحة وبرحة
فى اللى بيحب الهدوء وفى اللى بيحبها علشان بنت الجيران
وفى اللى بيحب الوحدة وفى اللى بيحب الشموسة بالنهار والقمر بالليل
فانا قولت يعنى مثلا لو البلكونة كبيره وف مكان هادى
ممكن الشخص اللى ف البيت ده يطلع شخصية هادية مفكرة تميل إلى الهدوء والتأمل
لو البيت ف مكان شعبى شوية هتلاقى شخصية اجتماعية
لو ف مكان فى بنات واولاد من سن متقاربه تلاقى ابن الجيران وبنت الجيران وتظهر الشخصية الرومانسية
لو ف شارع ضيق والبيوت قريبة من بعض ممكن يتجنب ده خالص فيبقى شخصية انطوائية
او ممكن برضه اجتماعية بحكم قرب البيوت من بعضها
وهكذا يعنى
ايه رأيكوا مش نظرية برضه
وبكده اكون اول من وصل للنظرية البلكونية العبقرية البحتة
وخلى بالكوا انا مسجلااها كبراءة اختراع :D
ويلا فوتكوا بعافية
.jpg)
29 comments:
اولا:مبارك المدونة الجديدة..مش مبارك اللي بالك فيه..مبارك دي يعني مبروك والله :)
ثانيا:اقولك بقى ياستي عني وعن البلكونة بتاعتنا..في بيتنا القديم كان عندنا بلكونة متوسطة مش كبيرة قوي وكانت بتطل على جامع..والجامع كان مصمم انه حتى بعد ما يأذن في الميكروفون واللي كان بيسمع في كل مكان في البيت انه كمان يقيم الصلاة و ويقرا الصور وكل حاجة بتتعمل في الصلاة في الميكروفون...وبما ان جدتي كانت عيانة..انتقلنا لبيت تاني لانها مكانتش حمل صوت عالي...
المهم ومطولش عليكي بيتنا الجديد كانت فيه بلكون برضو بس كانت بتطل على مدرسة :)...وهنا بقى انا اللي اكاد اجزم انه ده اللي بيسموه يطلع من نقرة تيجي رجله في ضحضيرة
دلوقتي البلكونة راحت وفتحناها على الريسبشن..تفتكري على حسب النظرية البلاكونية اني خلاص مبقاش عندي شخصية...وانها انتهت مع انتهاء البلكونة
ارجو الافادة...بس بشويش
هههههههههه
لا يابنتى طبعاً
انا بهزر يعنى
انتى فكرتينى عبقرية بجد ولا ايه
اكيد لأ يعنى وبعدين شخصية
النسان بتتكون ف الفترة تقريباً ما بين
الأعدادية وحتى دخول الجامعة او
الانتهاء منها يعنى
دى الملامح العامة طبعاً
اما الخبرات الشخصية فبتكون مستمره
طول عمر الانسان
منوره :)
ههههههههههههههه
ايه يابنتي ده فيلسوفه وعبقرية وكمان نظريات ؟
لااااااا دي حاجه مايتسكتش عليها أبداااااا
تحياتي يا حمامة
عجبتني الفكرة دي
سلاااااااام
بس أنا مش عندي بلكونة
هههههههه
lyssandra
هههههههههههههههههه
ايه يا بنتي الكلام الجامد ده ,يجي الباشمهندس اللي اخترع البلكونه يشوف نظرية سيادتك , مش بعيد يدرسوها في علم النفس ويسموها بلوكونلوجيا مممممممممم
بس بجد فكرة البوست ده جميله اوي
تحياتي
أولا .. مبروك على المدونة الجديدة :)
ثانيا بأه بالنسبة للبلكونة .. أنا عزفت تماما عن دخولها من أكتر من 5 سنين .. بدون سبب محدد .. يدوب بدخل أسقي الزرع و أخرج
بس ايه يا بنتي الإبداع ده؟!
كان فين من زمان؟
:D
لولو
نبنيلك واحده ولا يهمك :D
الفارس الملثم
ايوة يابنى امال ايه
احنا مش قليلين ف البلد دى
يمامة شاردة
ليه كده ده حتى البلكونة الايام دى
الجو فيها بيبقى لطيف
منورة :)
موضوع مميز ونظريه برضه
(:
أنا شخصيا بما أن بلكونتي بتبص ع الجنينه بتاعتنا فأهم حاجه بعملها إني أشرب كوباية الكوفي ميكس اللي انا بأدمنه لوحدي وعلى انفراد وده لما هأكون هاتخذ قرار مصيري
وكمان لما تكون في رسمه مطلعه عيني (أصل في هندسه بعيد عنكو)وأحب أركز بأرسمها في البلكونه
(:
تحياتي لك مدونتك جميله
أتمنى تشرفينا بالزياره لمدونتي
سلام بقى
هههههههههههههه
انا عجبنى اسم النظريه
بصرف النظر عن محتواها
ههههههههه
انتي خليتيني أقراها زمان (:
وعاجباني
هههههههههه
حلوه النظريه البلكونيه دى
انا كنت زمان وانا صغيره كدا مع جارتى برضه
كنا لازم طول الليل نتكلم من البلكونه
المشكله ان كنا تلاته
يعنى تلات بلكونات وواقف فيها تلات بنات وهاتك يارغى
بنعمل صداع للشارع كله
حلو اوى البوست ودمه خفيف مرسى جدا
حلوة النظرية البلكونية دي
بس احنا ممكن نوسعها شوية ونقول نظرية تأثير مكان النشأة ع الشخصية
حلو الكلام الكبير اللي انا بقوله ده
انتي واسماء فكرتوني بيا انا ورانيا
بس الفرق ان رانيا كانت في البلكونة اللي فوقي وكانت رقبتي بتتلوح لدرجة اني كنت بلح عليها اني انقل انا في الشقة اللي فوق
بس الاسهل كان انها تنزلي ونقعد برده في البلكونة وكاننا واخدين اننا منتكلمش الا فيها ولو دخلنا جوه حنسكت :)
ربنا يخليكي انتي واسماء لبعض
مبروك المدونه وموضوع جميل
تقبلوا مروري
موضوعك على قدر كبير من الطرافة و من الجدية في نفس الوقت و يمكن ان يكون موضوعا لبحث اجتماعي نفسي ... هناك ظواهر تطبع حياتنا دون ان ننتبه لها بالتاكيد و تصبغ انفسنا و تفكيرنا
على كل ادام الله لك صديقتك أسماء و ادام البلاكونة
تقبلي مروري السريع
مصطفى ابو زيد
اهو شوفت بقى البلاكونة مهمة ازاى
منورنا واتمنى تزورنا دايماً :)
بطوط حبوب
طيب يا دكتور
مقولتش رأيك ليه ف محتواها :D
امرأة تقول الذي لا يقال
منورة يا دينا والله :)
amal
اجمل حاجة والله
يارب تكونوا لسه بترغوا زينا
رينا يخليكوا لبعض
LAMIA MAHMOUD
منورة والله يا لومى
ربنا يخليلك رانيا
واوعوا تبطلوا رغى
حسن حنفى
الله يباركلك
نورت يا فندم :)
مهيار
طبعا يابنى امال ايه
انا عقلية معملية فذة :D
نورت
عظمة على عظمة
هاااااااااايلة
عندك حق و الله
والدتي زمان كان طلوع البلكونه دا
يوم فرح
عشان مكنتش تحبنا نقف فيها
عشان الجيران أدامنا و كده
مع إننا كنا صغيرين
لما نقلنا بيتنا التاني
مش أدامنا جيران
دا لأننا ساكنين عليوي في الدور 17
:D
فبقت سايبانا براحتنا نطلع البلكونة
بس بعد إيه بأه
:(
بس بحب أوي أقعد جنب الشباك
:)
إعمللنا النظرية الشوباكية
ربنا يسعدك يا جميل
:)
ده ايه جمال النظريات دى
لا حلوة والله
فكرتينى انا كنت بعمل كده بس من فوق السطوح بس مكناش بنتكلم كنا بنذاااااااااااااااااكر
وسبحان الله هى السنه الوحيده اللى جبت فيها تقدير
الندله راحت اتجوزت فى بلد بعيد عنى
ما علينا
تحياتى ومبروك على المدونه ولو انها متاخره
أولا مبرووك على المدونة الجديدة و فكرتها الجميلة
ثانيا حلوة أوي حتة أرميلها كتاب أو لب و سوداني .. بجد ضحكتني من قلبي
ثالثا عن النظرية أنا شايفة ظغنها قريبة أوي من الحقيقة بس طبعا فيه حاجات تانية أوقع بتشكل شخصية البني آدم زي الوسط العايش فيه منغير بلكونة أو حاجة و أصحابه و أهله و قدرته على التكيف و تقبل الآخرين
بوست مميز اوي خاصة عشان خفيف و ظريف أوي .. و النظرية مبتكرة ;-)ا
تقبلي أرق التحيات لك و لأسماء
تصدقى نظرية برضه
بسم الله الرحمن الرحيم
مدونتك حلوة قوى
وكل عام وانت بخير
وكل سنة وانت طيبة
بمناسبة شهر رمضان
شهر الصوم
تحياتى
وكل احتراماتى
اتمنالك التوفيق
واتمنالك النجاح
مدونتى تنور لو زورتيها
شكرا
عز الدين
سلااااااام
ههههههههههههههههههه
والله بوست تحفه
فعلا حسسنا باهميه البلكونات:))
ويارب كتر بلكوناتنا واملاها اسماءات:))
اة طبعا البلكونه اهم حاجه فى الحياه
منها بتتفرجى وتشوفى وتتكلمى
فكرتينى بايام لاثانويه
انا تقريبا اخدت الثانويه م البلكونه
ههههههههههههههههه
تحياتى والف الف مليون مبروك ع الخطوبه وعلى المدونه الجميله
سلام
هههه
تصدقى بجد
فعلا البلكونه ليها اهميه كبيرة اوى
ليكى حق تعملى لها براءة اختراع
انا بحب البلكونه علشان القمر و4 اضواء
حزينه
و القادم....أجمل
هههههههههههه
جلوة النظرية الشوباكية دى
اعمليها انتى يا لولو
لان انتى اكيد اللى فهماها مادام بتحبي الشباك
انا مبحبش الادوار العالية اوى دى :(
ربنا معاكى
Sometimes
لا احنا السطح بتاعنا وحش مع انه لذيذ
الله يبارك فيكي ومنورة :)
قطرات من شواطئ الحياة
الله يبارك فيكي يارب :)
سعيدة اوى انى ضحكتك
هى النظرية اكيد فى شىء من الحقيقة بس اكيد برضه بشكل هزلى شوية
نورتى :)
زيزو الشقى
وانت طيب
نورت
blue-wave
ايوة طبعاً يابنتى امال ايه
:B
دعاء مواجهات
ههههههه
حلوة اخدت الثانوية من البلكونة دى
الله يبارك فيكي يا قمر
عقبالك يارب :)
حزينة
اكيد امال ايه
بس يا ترى ايه ال4 اضواء دول
نجوم ؟
حمامة بجد اشتقت للدخول اللى مدونتك
يا من فترةوانا مدخلتش
اولا احب اسلم عليكى _ واهنيكى بالمدونة الجديدة معلش انها جت متأخرة شوية
وبالنسبة لموضوع البلكونة دا
انا طول عمرى بحب البلكونة جدااا جدااا
بس للاسف بقالى اكتر من 8 سنوات موقفتش فى بلكونة
ودا لاسباب كتير
واولها انى محجبة وبكسل جداا انى لسة البس وبكم وطويل وحجاب وكل الربطة دى عشان اقف فى بلكونة لا مش هقف احسن
وفضل الموضوع دا لحد اما انا واخواتى هجرنا البلكونة وبابا قرر انه يلغى البلكونة خاالص ويقفلها بأزاز فامية
عشان على الاقل نقدر نستفاد منها
ومن ساعتها وانا موقفتش فى بلكونة
دى بقى قصتى مع البلكونة
الحقيقة أن الكلام عن النظرية و إثبات النظرية مقنع جدا بس هي ناقصه حاجات
للتوضيح بلكونتنا على شارع 10 متر "شارح واسع و جميل و مسفلت كمان" بس قدامنا بيت مهجور و البلكونه مش واسعه وشرحه ولا ضيقه و خنيقه ... مافيش فيها شمس كتير يمكن حبة هوا عالماشي ، مافيش بنت الجيران و لو في ما كنتش هاعتب البلكونه ... و الحاجه الوحيده اللي بتربطني بالبلكونه دي لما أمي تقولي " روح أنشر الغسيل " أو " مش قلت لك لم الغسيل " وياريت تدخليني في النظرية عشان ما بحبش شواذ النظريات - بتطلع عيني في المذاكره و الاثباتات - وشكرا لك على هذا الموضوع الجميل
تحياتي
Post a Comment